मंसिर ५, सल्यान ।
सल्यानमा गठबन्धनका उम्मेदवार प्रकाश ज्वालाले मतगणनाको सुरुवाती देखि नै फराकिलो अग्रता कायमै राख्नुभएको छ ।यो समाचार तयार पार्दा सम्म प्रतिनिधि सभा तर्फ ज्वालाले ४०२८ मत लिएर फराकिलो अग्रता कायम राख्नुभएको छ । 

यस्तै उहाँका निकटतम प्रतिद्वन्द्वी स्वतन्त्र उम्मेदवार राजेन्द्र बहादुर शाहले २५२८ मत ल्याउनुभएको छ भने नेकपा एमालेका राजेन्द्र बहादुर रायले ११८३ मात्रै मत ल्याउनु भएको छ ।

 प्रकाश ज्वाला बहुदल पछिका धेरै जसो चुनावमा सल्यानबाट निर्वाचित हुनुभएको छ।उहां पहिलो संबिधान सभा निर्वाचनमा भने झिनो मतान्तरले पराजित हुनुभएको थियो।२०७० को दोश्रो संबिधान सभा सदस्य निर्वाचित हुनुभएका ज्वाला संसदको सोहि कार्यकालमा अर्थ समिति सभापति पनि हुनुभयो।२०७४ मा भने प्रदेश सभामा निर्वाचित भई कर्णाली प्रदेश सरकारको अर्थ मन्त्री बन्नुभएको थियो।