सरकारले मंसिर ४ गतेका लागि प्रतिनिधि सभा र प्रदेश सभाको निर्वाचनको मिति घोषणा गरेको छ । राजनितिक दलहरु उम्मेदवार छनोट प्रक्रीयामा ब्यस्त छन्।यसपालिको निर्वाचनमा दलहरु गठबन्धन गरेर शक्ति आर्जन गर्ने गरि तयारीमा लागेका देखिन्छन्।यसले गर्दा यसपालिको चुनावना कुन क्षेत्रमा कसले बाजि मार्छ यसै भन्न सकिने अवस्था छैन।खास गरि सत्ता गठबन्धन र नेकपा एमालेका उम्मेदवारका बिचमा मुख्य प्रतिष्पर्धा हुने देखिन्छ।

 नेकपा एकीकृत समाजवादीले जिल्ला जिल्लाबाट उम्मेदवारहरु टुंग्याउंदै छ।धेरै जसो जिल्लामा क्षेत्रीय समन्वय कमिटीहरुबाट माथिलो कमिटीमा नामहरु सिफारिस भईसकेका छन्।जिल्ला हुंदै प्रदेश कमिटीबाट नामहरु छनोट भएर केन्द्रीय कमिटीलाई सिफारिस गर्ने उक्त पार्टीको अन्तर पार्टी बिधानमा उल्लेख छ।

 सल्यान जिल्लाबाट नेकपा एसले पार्टी केन्द्रीय उप- महासचिब एवं कर्णाली प्रदेश सरकारका पुर्व अर्थ मन्त्री प्रकाश ज्वालाको नाम सर्वसम्मतिले सिफारिस गरेको छ।ज्वाला अघिल्ला तीन वटा निर्वाचनमा पनि सोहि जिल्लाबाट सांसद भईसकेका छन्।२०६४ सालको संबिधान सभाको चुनावमा भने माओवादीका उम्मेदवारसंग झिनो मतले पराजित भएका थिए।२०७० को निर्वाचनमा नेकपा एमालेको तर्फबाट निर्वाचित ज्वाला   प्रतिनिधि सभाको लेखा समितिका सभापति समेत भएका थिए । सादा जिवन, सरल स्वभाव अनि राजनितिक रुपमा परिपक्व नेता ज्वाला जनताका हरेक समस्यासंग जोडिएर उनीहरुको दुख सुखमा जनप्रतिनिधिले साथ दिनुपर्ने मान्यता रख्दछन्।