नेपाल प्रहरी र सशस्त्र प्रहरी कर्मचारीले १६वर्षमै निवृत्तिभरण पाउने गरी प्रहरी (११ औं संशोधन) नियमावली २०७१ र सशस्त्र प्रहरी (दोस्रो संशोधन) नियमावली २०७२ प्रस्ताव गरिएको छ।

उक्त प्रस्ताव गृहमन्त्री बालकृष्ण खाणबाट स्वीकृत भई सहमतिका लागि अर्थ मन्त्रालयमा पठाएको बताइएको छ। अर्थ र कानून मन्त्रालयबाट सहमति भएर आएपछि गृह मन्त्रालयले निर्णयका लागि मन्त्रिपरिषदमा पेस गर्नेछ।

यसअघि २० वर्ष सेवा अवधि नपुगेसम्म निवृत्तिभरण पाउने व्यवस्था थिएन। उक्त विनियमावली संशोधन भएमा १६ वर्षमै अवकास लिन सकिने भएकाले तल्लो तहका प्रहरी कर्मचारी राहत मिल्नेछ।