गाउँघरमा बैंक तथा वित्तीय संस्था पुगेसँगै स्थानीयको जीविकोपार्जन सहज बनेको छ। यस्ता संघसंस्थाहरूले विशेषगरी घरखर्च चलाउन र ससाना व्यवसायमा आवद्ध रहेर दैनिकी सहज बनाउन कर्जा उपलब्ध गराइरहेका छन्। थोरै लगानीबाट व्यवसाय सुरू गरेर कतिपय उद्यमी नै बनेका छन्।

यसकै उदाहरण हुन् लेटाङ-२, मोरङका रघुनाथ अधिकारी। उनले आजभन्दा ११ वर्षअघि सहकारीबाट कर्जा लिएर ग्रिल उद्योग सञ्चालनमा ल्याएका थिए।

'एक दशकअघि सहकारीबाट एक लाख ऋण लिएँ। एक लाख आफैंसँग थियो।

दुई लाख लगानीमा उनले वायरिङ, हिटिङ, ग्रेन्डर लगायत ८० हजार खर्चेर मेसिन किने। विद्युत जडान गरे। ग्रिलका लागि आवश्यक कच्चा पदार्थ किने। ऊ बेलामा सहकारीबाट ऋण लिएर व्यवसाय सुरू गरे पनि ग्रिलजन्य सामानको मागै थिएन।

उनका अनुसार पहिलेका घरमा काठ कुँदेर झ्याल, ढोका र रेलिङ बनाइन्थ्यो। अहिले आलुमिनियम, स्टिल वा ग्रिल नै पनि प्रयोग गरिन्छ।

'अहिले सानो घर भए पनि इँटाको गारो लगाएर, झ्याल-ढोकामा आलुमिनियम वा ग्रिल राखेर चिटिक्क बनाउने चलन छ। त्यसकारण पनि सामानको माग बढेको छ,' उनी थप्छन्।