पोखरा महानगरपालिकाको १०० दिनको हनिमुन कस्तो रह्यो त ?

पोखरा महानगरपालिकाले नयाँ नेतृत्व आएपछिका १०० दिनका उपलब्धि सार्वजनिक गरेको छ । स्थानीय तह निर्वाचन २०७९ बाट निर्वाचित जनप्रतिनिधिले पदस्थापन गरेको १०० दिन पूरा गरेको अवसरमा पत्रकार भेटघाट कार्यक्रम गरी नगरप्रमुख धनराज आचार्यज्युले उपलब्धि सार्वजनिक गर्नुभएको हो । 

यस अवधिमा १०० बढी महत्त्वपूर्ण कामहरूको सुरुवात गरिएको प्रमुख आचार्यले जनाउनुभयो ।

हालसम्म सम्पन्न भएका प्रमुख कार्यहरू:

१)  उज्यालो पोखरा अभियान

२) सेवा प्रवाहमा एकद्धार प्रणाली 

 ३)जनगुनासो सुनुवाइका लागि हेल्लो मेयर कार्यक्रम 

४) महत्त्वपूर्ण स्थानका सार्वजनिक जग्गाहरूको विवाद समाधान तथा स्वामित्व फिर्ता

५)  हजारौँको सङ्ख्यामा फलफूलका बिरुवाहरू बितरण तथा  रोपण

६) कृषि एम्बुलेन्स सञ्चालन,

७) छात्रवृत्ति प्रदान तथा राहत

८) उपचारमा सहयोग तथा सिफारिस 

९) विभिन्न दातृ निकाय तथा विदेशका भगिनी सम्बन्ध कायम भएका सहरहरूसँगको साझेदारीमा दीर्घकालीन महत्त्वका योजनाहरूको सम्भाव्यता अध्ययन, डिपिआर निर्माण तथा निर्माण सम्झौता समेत गरिएका छन् ।