दमौली,८ पुस ।

     दोस्रो दोभान कप तथा प्रथम राजेन्द्र स्मृति कप सेभेन ए साइड फुटबल प्रतियोगिता सम्पन्न भएको छ । 

    प्रतियोगिताको उपाधि गन्नी एफ सि पोखराले हात पारेको छ । गन्नी एफ सि पोखराले ३९ जि. टि.सि. बनारसलाई १–० गोल अन्तरले पराजित गर्दै  सो उपाधि हात पारेको हो । निकै प्रतिस्पर्धात्मक भएको खेलको अन्तिम समयमा १ गोल गर्न सफल भई गन्नी एफ सि ले  उपाधि जितेको हो । 

 प्रतियोगितामा पहिलो हुने गन्नी एफ सि ले २ लाख ५ हजार ५ सय ५५ रूपयाँ नगद, प्रमाणपत्र, मेडल र कप पाएको छ । यस्तै द्धितिय हुने ३९ जि टि सि ले १ लाख १५ हजार ५ सय ५५ रूपयाँ नगद र प्रमाणपत्र, मेडल तथा कप पाएको छ । तनहुँकै ठूलो राशि पुरस्कार दावी गरिएको प्रतियोगितामा क्वाटरफाइनल देखि म्यान अफ द म्याच, उत्कृष्ट खेलाडी, उत्कृष्ट गोलरक्षक, सर्वाधिक गोलकर्ता, उत्कृष्ट डिफेन्डर र अनुशासित टिमलाई  नगद र प्रमाणपत्र प्रदान गरिएको दोभान क्लवका अध्यक्ष नल बहादुर दरैले बताए । 

   त्यस्तै गन्नी एफसीका मनोज गुरुङ म्यान अफ दी म्याच घोषित भएका थिए । उनले नगद ५ हजार प्राप्त गरेका छन् । त्यसैगरी खेल अवधिभर ५ गोल गर्दै  सर्वाधिक गोलकर्ताको उपाधी दोभान युवा क्लबका एक्कु मगरले हात पारेका छन् । त्यस्तै उत्कृष्ट गोल किपर ३९ जिटीसीका विजेश सिं रहेका छन् भने अनुसाशित टिमको रुपमा डील्याण्डा युथ क्लब घोषित भएको छ ।

 सर्वोत्कृष्ट खेलाडी गन्नी एफसीका सन्दिप राना मगर भएका छन् । कार्यक्रममा प्रथम, द्धितिय हुने टिमलाई गण्डकी प्रदेशका खेलकुद मन्त्री दिपक मनाङ्गेले पुरस्कार प्रदान गरेका थिए । प्रतियोगितामा विभिन्न जिल्लाका ३७ टोलीको सहभागिता रहेको थियो ।